dard-o-gham se dil-shikasta ho to ho

dard-o-ġham se dil-shikasta ho to ho

phir purānā zaḳhm taaza ho to ho

bhuuk kahtī hai ki kaasa thaam le

zarf kahtā hai ki faaqa ho to ho

shahroñ shahroñ qātiloñ kī bhiiḌ hai

gaañv meñ koī farishta ho to ho

zālimoñ ke ghar ujālā ho gayā

apnī duniyā meñ añdherā ho to ho

ham ko karnā hai ilāj-e-dard-e-dil

un kī ḳhātir gar masīhā ho to ho

vo kareñge apne haq meñ faisla

aur sansad meñ tamāsha ho to ho

is sadī ke mīr-ja.afar DhūñD lo

chāhe is meñ kuchh ḳhasāra ho to ho

ham na apnā tarz badleñge kabhī

ham se ye aalam kashīda ho to ho

baat hai 'irfān' ye insāf kī

vo ḳhafā hotā hai to kyā ho to ho

dard-o-gham se dil-shikasta ho to ho

phir purana zaKHm taza ho to ho

bhuk kahti hai ki kasa tham le

zarf kahta hai ki faqa ho to ho

shahron shahron qatilon ki bhiD hai

ganw mein koi farishta ho to ho

zalimon ke ghar ujala ho gaya

apni duniya mein andhera ho to ho

hum ko karna hai ilaj-e-dard-e-dil

un ki KHatir gar masiha ho to ho

wo karenge apne haq mein faisla

aur sansad mein tamasha ho to ho

is sadi ke mir-jafar DhunD lo

chahe is mein kuchh KHasara ho to ho

hum na apna tarz badlenge kabhi

hum se ye aalam kashida ho to ho

baat hai 'irfan' ye insaf ki

wo KHafa hota hai to kya ho to ho