dard sare shab-e-KHamosh mein gir jate hain

dard saare shab-e-ḳhāmosh meñ gir jaate haiñ

ashk jāhil haiñ mire hosh meñ gir jaate haiñ

bandagī ham ne tabī.at meñ vo paa.ī hai ki bas

sar ḳhudāoñ ke ka.ī dosh meñ gir jaate haiñ

jaane laġhzish ko hamārī sukūñ aa.egā kahāñ

dar se uThte haiñ to āġhosh meñ gir jaate haiñ

tere kūche se guzarte hue ḳhushiyoñ ke qadam

tez chalte haiñ magar josh meñ gir jaate haiñ

itne shātir haiñ yahāñ log kisī gulchīñ se

gul bachāte hue gul-posh meñ gir jaate haiñ

mai-kade se jo nikaltī hai ḳhamoshī 'rajnīsh'

lab vahīñ sāġhar-e-mai-nosh meñ gir jaate haiñ

dard sare shab-e-KHamosh mein gir jate hain

ashk jahil hain mere hosh mein gir jate hain

bandagi hum ne tabiat mein wo pai hai ki bas

sar KHudaon ke kai dosh mein gir jate hain

jaane laghzish ko hamari sukun aaega kahan

dar se uThte hain to aaghosh mein gir jate hain

tere kuche se guzarte hue KHushiyon ke qadam

tez chalte hain magar josh mein gir jate hain

itne shatir hain yahan log kisi gulchin se

gul bachate hue gul-posh mein gir jate hain

mai-kade se jo nikalti hai KHamoshi 'rajnish'

lab wahin saghar-e-mai-nosh mein gir jate hain