daricha aaine par khul raha hai

darīcha aa.ine par khul rahā hai

mujhe apne se bāhar jhāñknā hai

akelā TuuTī kashtī par khaḌā huuñ

kinārā duur hotā jā rahā hai

use pahchānñā āsāñ nahīñ jo

havā kā rañg paanī kā maza hai

kahīñ andar hī TuuTe hoñge alfāz

abhī tak terā lahja chubh rahā hai

vo apne dostoñ ke darmiyāñ hai

yā mere dushmanoñ meñ ghir gayā hai

kisī ne aa.ine par hoñT rakh kar

achānak shauq ko bhaḌkā diyā hai

ḳhudā-e-lam-yazal tere liye to

jo honā thā vo goyā ho chukā hai

vo kaise āzmā.egā kisī ko

jo pahle hī se sab kuchh jāntā hai

daricha aaine par khul raha hai

mujhe apne se bahar jhankna hai

akela TuTi kashti par khaDa hun

kinara dur hota ja raha hai

use pahchanna aasan nahin jo

hawa ka rang pani ka maza hai

kahin andar hi TuTe honge alfaz

abhi tak tera lahja chubh raha hai

wo apne doston ke darmiyan hai

ya mere dushmanon mein ghir gaya hai

kisi ne aaine par honT rakh kar

achanak shauq ko bhaDka diya hai

KHuda-e-lam-yazal tere liye to

jo hona tha wo goya ho chuka hai

wo kaise aazmaega kisi ko

jo pahle hi se sab kuchh jaanta hai