dariya-e-aftab ki tughyaniyat na dekh

dariyā-e-āftāb kī tuġhyāniyat na dekh

apnā vajūd aap pas-e-āfiyat na dekh

āñkheñ siyāh nuqtoñ se aage na baḌh sakīñ

ā.īna-e-ḳhayāl kī masrūfiyat na dekh

ye dekh ab savāl-e-baqā-e-yaqīn hai

TuuTe hue gumān kī ma.asūmiyat na dekh

ādāb-e-har-shikasta-labī kā lihāz rakh

har baat meñ nazākat-e-guftāriyat na dekh

jamte hue ġhubār kā saaya na sar pe rakh

ai 'qaus' uḌtī gard kī dīvāriyat na dekh

dariya-e-aftab ki tughyaniyat na dekh

apna wajud aap pas-e-afiyat na dekh

aankhen siyah nuqton se aage na baDh sakin

aaina-e-KHayal ki masrufiyat na dekh

ye dekh ab sawal-e-baqa-e-yaqin hai

TuTe hue guman ki masumiyat na dekh

aadab-e-har-shikasta-labi ka lihaz rakh

har baat mein nazakat-e-guftariyat na dekh

jamte hue ghubar ka saya na sar pe rakh

ai 'qaus' uDti gard ki diwariyat na dekh