dariya-e-KHun se ya to guzar jaana chahiye

dariyā-e-ḳhūñ se yā to guzar jaanā chāhiye

yā phir usī meñ Duub ke mar jaanā chāhiye

ye kyā ki 'umr 'ishq-e-butāñ meñ guzār dī

achchhā sā koī kaam bhī kar jaanā chāhiye

koī pukārtā hai tujhe dil ke us taraf

dil hī se pūchh tujh ko udhar jaanā chāhiye

lauT aa.e haiñ daraḳhtoñ kī shāḳhoñ pe sab parind

din Dhal chukā hai mujh ko bhī ghar jaanā chāhiye

kyā shahr-e-shor-e-zulm meñ maiñ bhī rahūñ ḳhamosh

kyā terī tarh mujh ko bhī Dar jaanā chāhiye

is qarya-e-sitam meñ badan par na rakh ise

vo vaqt aa gayā hai ki sar jaanā chāhiye

shah ke vazīfa-ḳhvār haiñ saare ḳhabar-nigār

ḳhabroñ meñ ek ye bhī ḳhabar jaanā chāhiye

thoḌī sī pī ke nashsha na tujh ko chaḌhegā shaiḳh

hāthoñ meñ jo subū hai vo bhar jaanā chāhiye

jab ḳhatm ho chukā haq-o-bātil meñ imtiyāz

kaise kahūñ ki mujh ko kidhar jaanā chāhiye

tū hī batā ghirā ho agar dushmanoñ meñ dost

muñh pher ke udhar se guzar jaanā chāhiye

dariya-e-KHun se ya to guzar jaana chahiye

ya phir usi mein Dub ke mar jaana chahiye

ye kya ki 'umr 'ishq-e-butan mein guzar di

achchha sa koi kaam bhi kar jaana chahiye

koi pukarta hai tujhe dil ke us taraf

dil hi se puchh tujh ko udhar jaana chahiye

lauT aae hain daraKHton ki shaKHon pe sab parind

din Dhal chuka hai mujh ko bhi ghar jaana chahiye

kya shahr-e-shor-e-zulm mein main bhi rahun KHamosh

kya teri tarh mujh ko bhi Dar jaana chahiye

is qarya-e-sitam mein badan par na rakh ise

wo waqt aa gaya hai ki sar jaana chahiye

shah ke wazifa-KHwar hain sare KHabar-nigar

KHabron mein ek ye bhi KHabar jaana chahiye

thoDi si pi ke nashsha na tujh ko chaDhega shaiKH

hathon mein jo subu hai wo bhar jaana chahiye

jab KHatm ho chuka haq-o-baatil mein imtiyaz

kaise kahun ki mujh ko kidhar jaana chahiye

tu hi bata ghira ho agar dushmanon mein dost

munh pher ke udhar se guzar jaana chahiye