dariya jo chaDha hai wo utarne nahin dena
dariyā jo chaḌhā hai vo utarne nahīñ denā
ye lamha-e-maujūd guzarne nahīñ denā
duniyā hī nahīñ dil ko bhī is shahr-e-havas meñ
man-mānī kisī haal meñ karne nahīñ denā
mahsūs nahīñ hogī masīhā kī zarūrat
ye zaḳhm hī aisā hai ki bharne nahīñ denā
mushkil hai magar kaam ye karnā hī paḌegā
insān ko insān se Darne nahīñ denā
jis ḳhvāb meñ rū-posh ho jiine kī tamannā
vo ḳhvāb-e-dil-āvez bikharne nahīñ denā
gar dil ko jalā kar bhī dhuāñ karnā paḌe to
in paudoñ ko kohre meñ ThiThurne nahīñ denā
dariya jo chaDha hai wo utarne nahin dena
ye lamha-e-maujud guzarne nahin dena
duniya hi nahin dil ko bhi is shahr-e-hawas mein
man-mani kisi haal mein karne nahin dena
mahsus nahin hogi masiha ki zarurat
ye zaKHm hi aisa hai ki bharne nahin dena
mushkil hai magar kaam ye karna hi paDega
insan ko insan se Darne nahin dena
jis KHwab mein ru-posh ho jine ki tamanna
wo KHwab-e-dil-awez bikharne nahin dena
gar dil ko jala kar bhi dhuan karna paDe to
in paudon ko kohre mein ThiThurne nahin dena
- Book : Rang hava main phel raha hai (Pg. 30)
- Author : obaid siddiqii
- Publication : maktaba jamia limited (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
