dariya mein hai sarab ajab ibtila mein hun
dariyā meñ hai sarāb ajab ibtilā meñ huuñ
maiñ bhī husain hī kī tarah karbalā meñ huuñ
Tikte nahīñ kahīñ bhī qadam ārzūoñ ke
pheñkā hai jab se terī zamīñ ne ḳhalā meñ huuñ
āvāz kab se detā thā hirmāñ-nasīb dil
ab aa.ī hai to ġharq nashāt-e-balā meñ huuñ
kyā farz hai ki īsā-o-mariyam dikhā.ī de
maslūb dard chīḳhe ki maiñ ibtilā meñ huuñ
har lahza inhidām kā hai ḳhauf mujh ko 'hosh'
maiñ is dayār-e-shor-o-shar-e-zalzala meñ huuñ
dariya mein hai sarab ajab ibtila mein hun
main bhi husain hi ki tarah karbala mein hun
Tikte nahin kahin bhi qadam aarzuon ke
phenka hai jab se teri zamin ne KHala mein hun
aawaz kab se deta tha hirman-nasib dil
ab aai hai to gharq nashat-e-bala mein hun
kya farz hai ki isa-o-mariyam dikhai de
maslub dard chiKHe ki main ibtila mein hun
har lahza inhidam ka hai KHauf mujh ko 'hosh'
main is dayar-e-shor-o-shar-e-zalzala mein hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
