darmiyān-e-gunāh-o-savāb aadmī
hai ḳhud apne liye hī azaab aadmī
ye zamīñ jis ḳhatā kī banī thī sazā
maiñ vahī to huuñ ḳhāna-ḳharāb aadmī
hal muamme kā jaise muammā koī
bas ki hai aadmī kā javāb aadmī
dekh be-sāḳhta aks ghabrā gayā
shīshe ke sāmne be-hijāb aadmī
falsafa bhī ḳhudī falsafī bhī ḳhudī
aap tālib hai aap hī kitāb aadmī
hāshiya hai kabhī aur kabhī rañg hai
jaise jaam aadmī aur sharāb aadmī
maut de bhī ga.ī hai javāb-e-azal
aur khaḌā rah gayā lā-javāb aadmī
mujh se jal-thal huā hai mirā andarūñ
maiñ ne kar hī diyā be-naqāb aadmī
darmiyan-e-gunah-o-sawab aadmi
hai KHud apne liye hi azab aadmi
ye zamin jis KHata ki bani thi saza
main wahi to hun KHana-KHarab aadmi
hal muamme ka jaise muamma koi
bas ki hai aadmi ka jawab aadmi
dekh be-saKHta aks ghabra gaya
shishe ke samne be-hijab aadmi
falsafa bhi KHudi falsafi bhi KHudi
aap talib hai aap hi kitab aadmi
hashiya hai kabhi aur kabhi rang hai
jaise jam aadmi aur sharab aadmi
maut de bhi gai hai jawab-e-azal
aur khaDa rah gaya la-jawab aadmi
mujh se jal-thal hua hai mera andarun
main ne kar hi diya be-naqab aadmi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
