dasht-dar-dasht phire aabla-pai le kar

dasht-dar-dasht phire ābla-pā.ī le kar

ham to ḳhush ho liye sahrā kī ḳhudā.ī le kar

sub.h guzrī mirī daryūza-garī karte hue

shaam aa.ī bhī to kashkol-e-gadā.ī le kar

vo pashemān udhar aur maiñ hairān idhar

but bane baiThe rahe donoñ safā.ī le kar

shahr kī galiyoñ meñ phirtā hai koī yuuñ jaise

chāñd āvāra phire dāġh-e-judā.ī le kar

dasht kī chīḳh samā.at pe girāñ hai ab ke

kyā kare koī yahāñ sho.ala-navā.ī le kar

ham ko taḌpātī rahīñ kunj-e-qafas kī yādeñ

pā-ba-zanjīr rahe tujh se rihā.ī le kar

ḳhuub royā dar-e-zindāñ se lipaT kar 'paikar'

kaun aaya thā ye paiġhām-e-rihā.ī le kar

dasht-dar-dasht phire aabla-pai le kar

hum to KHush ho liye sahra ki KHudai le kar

subh guzri meri daryuza-gari karte hue

sham aai bhi to kashkol-e-gadai le kar

wo pasheman udhar aur main hairan idhar

but bane baiThe rahe donon safai le kar

shahr ki galiyon mein phirta hai koi yun jaise

chand aawara phire dagh-e-judai le kar

dasht ki chiKH samaat pe giran hai ab ke

kya kare koi yahan shoala-nawai le kar

hum ko taDpati rahin kunj-e-qafas ki yaaden

pa-ba-zanjir rahe tujh se rihai le kar

KHub roya dar-e-zindan se lipaT kar 'paikar'

kaun aaya tha ye paigham-e-rihai le kar