dasht-e-baran ki hawa se phir hara sa ho gaya
dasht-e-bārāñ kī havā se phir harā sā ho gayā
maiñ faqat ḳhushbū se us kī tāza-dam sā ho gayā
us ke hone se huā paidā ḳhayāl-e-jāñ-fazā
jaise ik murda zamīñ meñ baaġh paidā ho gayā
phir havā-e-ishq se āshuftagī ḳhūbāñ meñ hai
in dinoñ meñ husn bhī āzār jaisā ho gayā
hai kahīñ mahsūr shāyad vo haqīqat ahd kī
jis kā rasta dekhte itnā zamāna ho gayā
ġham rahā hai haal kahnā dil kā us but se 'munīr'
jis ke ġham meñ apne dil kā haal aisā ho gayā
dasht-e-baran ki hawa se phir hara sa ho gaya
main faqat KHushbu se us ki taza-dam sa ho gaya
us ke hone se hua paida KHayal-e-jaan-faza
jaise ek murda zamin mein bagh paida ho gaya
phir hawa-e-ishq se aashuftagi KHuban mein hai
in dinon mein husn bhi aazar jaisa ho gaya
hai kahin mahsur shayad wo haqiqat ahd ki
jis ka rasta dekhte itna zamana ho gaya
gham raha hai haal kahna dil ka us but se 'munir'
jis ke gham mein apne dil ka haal aisa ho gaya
- Book : kulliyat-e-muniir niyaazii (Pg. 522)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
