dasht-e-dua mein tere parastar rah gae

dasht-e-duā meñ tere parastār rah ga.e

sho.aloñ ke ābshār meñ gulnār rah ga.e

tere visāl-o-hijr ga.e to gayā magar

terī shabāhatoñ ke sab āzār rah ga.e

jin par tire gulāb se chehre ke aks haiñ

merī nazar meñ vo dar-o-dīvār rah ga.e

vo to amīr-e-shahr kī āġhosh meñ gayā

us kī galī meñ ā.ina-bardār rah ga.e

ham ne likhe hurūf-e-ġham-e-jāñ varaq varaq

paḌhne ko gesū-o-lab-o-ruḳhsār rah ga.e

zaḳhm-e-hunar ke chāhne vaale nahīñ rahe

ḳhush-rañg shohratoñ ke ḳharīdār rah ga.e

jalne lage badan to barasne lagā lahū

sūraj kī raah meñ rasan-o-dār rah ga.e

dasht-e-dua mein tere parastar rah gae

shoalon ke aabshaar mein gulnar rah gae

tere visal-o-hijr gae to gaya magar

teri shabahaton ke sab aazar rah gae

jin par tere gulab se chehre ke aks hain

meri nazar mein wo dar-o-diwar rah gae

wo to amir-e-shahr ki aaghosh mein gaya

us ki gali mein aaina-bardar rah gae

hum ne likhe huruf-e-gham-e-jaan waraq waraq

paDhne ko gesu-o-lab-o-ruKHsar rah gae

zaKHm-e-hunar ke chahne wale nahin rahe

KHush-rang shohraton ke KHaridar rah gae

jalne lage badan to barasne laga lahu

suraj ki rah mein rasan-o-dar rah gae