dasht ki pyas baDhane ke liye aae the

dasht kī pyaas baḌhāne ke liye aa.e the

abr bhī aag lagāne ke liye aa.e the

aise lagtā hai ki ham hī se koī bhuul huī

tum kisī aur zamāne ke liye aa.e the

apnī pathrā.ī huī āñkhoñ ko jhapkeñ kaise

jo tirā aks churāne ke liye aa.e the

mauj-dar-mauj huā āb-e-ravāñ qaus-e-quzah

taare āñkhoñ meñ nahāne ke liye aa.e the

log kahte hī rahe 'sād' batāo kuchh to

ham ki bas ashk bahāne ke liye aa.e the

dasht ki pyas baDhane ke liye aae the

abr bhi aag lagane ke liye aae the

aise lagta hai ki hum hi se koi bhul hui

tum kisi aur zamane ke liye aae the

apni pathrai hui aankhon ko jhapken kaise

jo tera aks churane ke liye aae the

mauj-dar-mauj hua aab-e-rawan qaus-e-quzah

tare aankhon mein nahane ke liye aae the

log kahte hi rahe 'sad' batao kuchh to

hum ki bas ashk bahane ke liye aae the