dasht mein fikr-e-na-rasai kya

dasht meñ fikr-e-nā-rasā.ī kyā

hijr kyā hijr kī kamā.ī kyā

jo kabhī thī savār sāñsoñ par

vo ghaḌī phir se lauT aa.ī kyā

ham javānī to apnī haar chuke

paa.eñ ab qaid se rihā.ī kyā

rote rote niDhāl ho ga.e ho

beTī hotī nahīñ parā.ī kyā

dukh ke lamhoñ meñ is qadar tanhā

terā koī nahīñ hai bhaa.ī kyā

terī bastī ke bhole-bhāle log

maañ ko kahte haiñ ab bhī maa.ī kyā

koī āvāz de rahā hai 'amīn'

tujh ko detā nahīñ sunā.ī kyā

dasht mein fikr-e-na-rasai kya

hijr kya hijr ki kamai kya

jo kabhi thi sawar sanson par

wo ghaDi phir se lauT aai kya

hum jawani to apni haar chuke

paen ab qaid se rihai kya

rote rote niDhaal ho gae ho

beTi hoti nahin parai kya

dukh ke lamhon mein is qadar tanha

tera koi nahin hai bhai kya

teri basti ke bhole-bhaale log

man ko kahte hain ab bhi mai kya

koi aawaz de raha hai 'amin'

tujh ko deta nahin sunai kya