dasht mein ghas ka manzar bhi mujhe chahiye hai

dasht meñ ghaas kā manzar bhī mujhe chāhiye hai

sar chhupāne ke liye ghar bhī mujhe chāhiye hai

thoḌī tadbīr kī sauġhāt hai matlūb mujhe

aur thoḌā sā muqaddar bhī mujhe chāhiye hai

tairne ke liye dariyā bhī hai kaafī lekin

shauq kahtā hai samundar bhī mujhe chāhiye hai

sirf dīvāroñ se hotī nahīñ ghar kī takmīl

chhat bhī darkār hai aur dar bhī mujhe chāhiye hai

gaahe fōtpath bichhā kar bhī maiñ so jā.ūñgā

gaahe ik maḳhmalīñ bistar bhī mujhe chāhiye hai

terī ma.asūm adaa.ī bhī sar āñkhoñ pe magar

tujh meñ ik shoḳh sitamgar bhī mujhe chāhiye hai

chāhiye hai kabhī relā bhī mujhe sardī kā

aur kabhī dhuup kā lashkar bhī mujhe chāhiye hai

isti.āre bhī zarūrī haiñ suḳhan meñ lekin

sher meñ san.at-e-paikar bhī mujhe chāhiye hai

guftugū kis se kareñ baunoñ kī bastī meñ 'ḳhumār'

baat karnī hai to ham-sar bhī mujhe chāhiye hai

dasht mein ghas ka manzar bhi mujhe chahiye hai

sar chhupane ke liye ghar bhi mujhe chahiye hai

thoDi tadbir ki saughat hai matlub mujhe

aur thoDa sa muqaddar bhi mujhe chahiye hai

tairne ke liye dariya bhi hai kafi lekin

shauq kahta hai samundar bhi mujhe chahiye hai

sirf diwaron se hoti nahin ghar ki takmil

chhat bhi darkar hai aur dar bhi mujhe chahiye hai

gahe footpath bichha kar bhi main so jaunga

gahe ek maKHmalin bistar bhi mujhe chahiye hai

teri masum adai bhi sar aankhon pe magar

tujh mein ek shoKH sitamgar bhi mujhe chahiye hai

chahiye hai kabhi rela bhi mujhe sardi ka

aur kabhi dhup ka lashkar bhi mujhe chahiye hai

istiare bhi zaruri hain suKHan mein lekin

sher mein sanat-e-paikar bhi mujhe chahiye hai

guftugu kis se karen baunon ki basti mein 'KHumar'

baat karni hai to ham-sar bhi mujhe chahiye hai