dast aur saba mujh mein

dast aur sabā mujh meñ

thā vo bevafā mujh meñ

aa rahī hai barsoñ se

ik ajab sadā mujh meñ

kyoñ huā vo ranjīda

jo huā huā mujh meñ

mauj-e-bahr-e-imkāñ kā

dard ik nayā mujh meñ

kuchh kahā kahā sā maiñ

kuchh sunā sunā mujh meñ

ek ghar purānā sā

roz gūñjtā mujh meñ

hai farār kartā sā

merā mudda.ā mujh meñ

kuchh adā ke gul buuTe

mahram-e-qabā mujh meñ

shab faroġh-e-jalva thī

roz-e-vāqi.a mujh meñ

kis ke par ye raushan haiñ

kis kā ghar jalā mujh meñ

vo to le gayā sab kuchh

merā kyā bachā mujh meñ

dast aur saba mujh mein

tha wo bewafa mujh mein

aa rahi hai barson se

ek ajab sada mujh mein

kyon hua wo ranjida

jo hua hua mujh mein

mauj-e-bahr-e-imkan ka

dard ek naya mujh mein

kuchh kaha kaha sa main

kuchh suna suna mujh mein

ek ghar purana sa

roz gunjta mujh mein

hai farar karta sa

mera muddaa mujh mein

kuchh ada ke gul buTe

mahram-e-qaba mujh mein

shab farogh-e-jalwa thi

roz-e-waqia mujh mein

kis ke par ye raushan hain

kis ka ghar jala mujh mein

wo to le gaya sab kuchh

mera kya bacha mujh mein