dast-e-imkan mein koi phul khilaya jae

dast-e-imkāñ meñ koī phuul khilāyā jaa.e

ḳhema-e-ḳhvāb meñ ta.abīr ko laayā jaa.e

aao chalte haiñ kisī aur hī duniyā meñ jahāñ

ḳhud ko ġham kar ke kisī aur ko paayā jaa.e

dil meñ vahshat jo nahīñ dasht-navardī kaisī

be-ḳhudī chhoḌ ke ab hosh meñ aayā jaa.e

jis kā har gosha sisaktā hai sadā detā hai

is ilāqe meñ kabhī lauT ke jaayā jaa.e

ek muddat se tamannā bhī thī masrūf-e-riyāz

naġhma-e-qalb ko ab saaz pe gaayā jaa.e

dast-e-imkan mein koi phul khilaya jae

KHema-e-KHwab mein tabir ko laya jae

aao chalte hain kisi aur hi duniya mein jahan

KHud ko gham kar ke kisi aur ko paya jae

dil mein wahshat jo nahin dasht-nawardi kaisi

be-KHudi chhoD ke ab hosh mein aaya jae

jis ka har gosha sisakta hai sada deta hai

is ilaqe mein kabhi lauT ke jaya jae

ek muddat se tamanna bhi thi masruf-e-riyaz

naghma-e-qalb ko ab saz pe gaya jae