dastar gir na jae sanbhaliye sanbhaaliye

dastār gir na jaa.e sañbhaliye sañbhāliye

merā savāl merī taraf mat uchhāliye

ik aag 'ishq kī liye phiriye tamām 'umr

kis ne kahā thā haath sharāroñ meñ Dāliye

ye kaun phuul phuul khilā shāḳh shāḳh par

maiñ ḳhaak chhāntā rahā kis kī havā liye

kyā 'umr ko muhīt hai ye 'arsa-e-'azāb

āñkhoñ se merī sūiyāñ ab to nikāliye

qaa.im thā aitabār-e-vafā jin ke naam se

vo āsmāñ tamām ḳhudā ne uThā liye

'sāqib' bahut garāñ hai shab-e-jazb-o-roz-e-hāl

mīzān-e-'aql-o-hosh subuk hai sañbhāliye

dastar gir na jae sanbhaliye sanbhaaliye

mera sawal meri taraf mat uchhaaliye

ek aag 'ishq ki liye phiriye tamam 'umr

kis ne kaha tha hath shararon mein Daliye

ye kaun phul phul khila shaKH shaKH par

main KHak chhanta raha kis ki hawa liye

kya 'umr ko muhit hai ye 'arsa-e-'azab

aankhon se meri suiyan ab to nikaliye

qaim tha aitabar-e-wafa jin ke nam se

wo aasman tamam KHuda ne uTha liye

'saqib' bahut garan hai shab-e-jazb-o-roz-e-haal

mizan-e-'aql-o-hosh subuk hai sanbhaaliye