daur-e-jawani kab Thahra hai aaj nahin to kal jaega

daur-e-javānī kab Thahrā hai aaj nahīñ to kal jā.egā

kab tak is par naaz karoge chaḌhtā sūraj Dhal jā.egā

sozish-e-ġham se dil pighlā hai chingārī hai har har qatra

aap na pochheñ mere aañsū aap kā dāman jal jā.egā

raushan chehra chhup jā.egā aap sañvāreñ zulfeñ varna

din ke ujāle kho jā.eñge raat kā jaadū chal jā.egā

sāġhar khanke maiḳhāne meñ raat Dhalī ab lutf aaya hai

aise meñ ai sāqi-e-mahfil shaiḳh kā aanā khul jā.egā

aaj kī bāteñ kal pe na chhoḌo 'soz' tumheñ ma.alūm nahīñ hai

haath hī malte rah jāoge chaal zamāna chal jā.egā

daur-e-jawani kab Thahra hai aaj nahin to kal jaega

kab tak is par naz karoge chaDhta suraj Dhal jaega

sozish-e-gham se dil pighla hai chingari hai har har qatra

aap na pochhen mere aansu aap ka daman jal jaega

raushan chehra chhup jaega aap sanwaren zulfen warna

din ke ujale kho jaenge raat ka jadu chal jaega

saghar khanke maiKHane mein raat Dhali ab lutf aaya hai

aise mein ai saqi-e-mahfil shaiKH ka aana khul jaega

aaj ki baaten kal pe na chhoDo 'soz' tumhein malum nahin hai

hath hi malte rah jaoge chaal zamana chal jaega