daur-e-rafta dekh leta hun gulistan dekh kar

daur-e-rafta dekh letā huuñ gulistāñ dekh kar

gul ko ḳhandāñ dekh kar bulbul ko giryāñ dekh kar

nāḳhudā par mutma.in the bandagān-e-nāḳhudā

ab ḳhudā yaad aa rahā hai mauj-e-tūfāñ dekh kar

sañg-dil samjhā barahman shaiḳh samjhe had mazāq

hañs paḌe donoñ mujhe ab tak musalmāñ dekh kar

shikva farmāte hī ulTī minnateñ karnī paḌīñ

dil pashemāñ ho gayā un ko pashemāñ dekh kar

is mashaqqat-gāh meñ rāhat kā ye gosha 'hafīz'

dekh lo aur ḳhush raho gor-e-ġharībāñ dekh kar

daur-e-rafta dekh leta hun gulistan dekh kar

gul ko KHandan dekh kar bulbul ko giryan dekh kar

naKHuda par mutmain the bandagan-e-naKHuda

ab KHuda yaad aa raha hai mauj-e-tufan dekh kar

sang-dil samjha barahman shaiKH samjhe had mazaq

hans paDe donon mujhe ab tak musalman dekh kar

shikwa farmate hi ulTi minnaten karni paDin

dil pasheman ho gaya un ko pasheman dekh kar

is mashaqqat-gah mein rahat ka ye gosha 'hafiz'

dekh lo aur KHush raho gor-e-ghariban dekh kar