daur-e-shabab zulm-o-wafa yaad aa gaya

daur-e-shabāb zulm-o-vafā yaad aa gayā

vo jab bhī yaad aa.e ḳhudā yaad aa gayā

vo sāmne rahe to mujhe chup sī lag ga.ī

vo jab ga.e har ek gila yaad aa gayā

jab do na.e diloñ meñ hue kuchh muāhide

mujh ko bhī apnā daur-e-vafā yaad aa gayā

mansūr-o-dār kā jo sunā maiñ ne vāqi.a

mujh ko tazād-e-jurm-o-sazā yaad aa gayā

namnāk ho ke rah ga.ī kyoñ chashm-e-mast-e-nāz

kyā phir koī ḳharāb-e-vafā yaad aa gayā

ḳhurshīd ko shafaq kī fazāoñ meñ dekh kar

dast-e-hasīñ pe rang-e-hinā yaad aa gayā

guzrā nazar se jab koī barbād-e-ārzū

'mūsā' ko chāhatoñ kā mazā yaad aa gayā

daur-e-shabab zulm-o-wafa yaad aa gaya

wo jab bhi yaad aae KHuda yaad aa gaya

wo samne rahe to mujhe chup si lag gai

wo jab gae har ek gila yaad aa gaya

jab do nae dilon mein hue kuchh muahide

mujh ko bhi apna daur-e-wafa yaad aa gaya

mansur-o-dar ka jo suna main ne waqia

mujh ko tazad-e-jurm-o-saza yaad aa gaya

namnak ho ke rah gai kyon chashm-e-mast-e-naz

kya phir koi KHarab-e-wafa yaad aa gaya

KHurshid ko shafaq ki fazaon mein dekh kar

dast-e-hasin pe rang-e-hina yaad aa gaya

guzra nazar se jab koi barbaad-e-arzu

'musa' ko chahaton ka maza yaad aa gaya