dayar-e-chashm se nikla hai justuju kar ke

dayār-e-chashm se niklā hai justujū kar ke

paḌhī namāz-e-safar ashk ne vuzū kar ke

havā-e-dasht-e-talab merī aarzū kar ke

saroñ pe ḳhaak uḌātī hai hāo-hū kar ke

hamesha baat kī hālāñki us ne tū kar ke

maiñ be-mazā na huā phir bhī guftugū kar ke

na de sakeñge agar ham ḳhirāj-e-nok-e-sināñ

to aaj dekheñge ḳhud ko lahū-lahū kar ke

hamārī fikr musavvir ke gird ghūmtī hai

havā jo aatī hai gulshan se tum ko chhū kar ke

takān degī agar dhuup ġham ke sūraj kī

ḳhushī ke chāñd ko rakh dūñgā rū-ba-rū kar ke

farāz-e-arsh kā chamkā huā sitārā bhī

Thahar na pā.egā rātoñ ko ab adū kar ke

use hamārī zarūrat thī is liye 'shārib'

qabā-e-dil vo dikhātā rahā rafū kar ke

dayar-e-chashm se nikla hai justuju kar ke

paDhi namaz-e-safar ashk ne wuzu kar ke

hawa-e-dasht-e-talab meri aarzu kar ke

saron pe KHak uDati hai hao-hu kar ke

hamesha baat ki haalanki us ne tu kar ke

main be-maza na hua phir bhi guftugu kar ke

na de sakenge agar hum KHiraj-e-nok-e-sinan

to aaj dekhenge KHud ko lahu-lahu kar ke

hamari fikr musawwir ke gird ghumti hai

hawa jo aati hai gulshan se tum ko chhu kar ke

takan degi agar dhup gham ke suraj ki

KHushi ke chand ko rakh dunga ru-ba-ru kar ke

faraaz-e-arsh ka chamka hua sitara bhi

Thahar na paega raaton ko ab adu kar ke

use hamari zarurat thi is liye 'shaarib'

qaba-e-dil wo dikhata raha rafu kar ke