dayar-e-husn ki hangama-samani nahin jati

dayār-e-husn kī hangāma-sāmānī nahīñ jaatī

pareshāñ kār-e-ulfat kī pareshānī nahīñ jaatī

musallam haiñ hazāroñ dāstāneñ husn ko lekin

vahāñ jo āshiqī kī baat ho maanī nahīñ jaatī

qubūl-e-tauba-o-afv-e-gunah sab kuchh sahī lekin

kabhī nā-kardanī kī ḳhud pashemānī nahīñ jaatī

mohabbat vo musībat hai ki jis par bas nahīñ chaltā

ba-āsānī ye aatī hai ba-āsānī nahīñ jaatī

mirī tasvīr-e-vahshat le ke ab ahbāb kyā leñge

ye dīvāne kī sūrat hai jo pahchānī nahīñ jaatī

shab-e-ġham maañd paḌ jaatī hai jab mahfil sitāroñ kī

hamāre dāġh-hā-e-dil kī tābānī nahīñ jaatī

garebāñ-chāk sahrā-gard shorish qaidi-e-zindāñ

bahar-sūrat junūñ kī fitna-sāmānī nahīñ jaatī

qayāmat ke sivā kyā hogā us kī be-hijābī meñ

ki jis kī ik jhalak se dil kī hairānī nahīñ jaatī

na bol is par havā-e-dahr kī ik lahr hai ye bhī

hañsī aa.ī to kyā gul kī pareshānī nahīñ jaatī

hazāroñ yās-o-hirmāñ dard-o-ġham kā hai hujūm is meñ

mire vahshat-kade kī phir bhī vīrānī nahīñ jaatī

mohabbat 'shākir' apne saath āh-o-giryā laa.ī hai

mirī aadat hai ye aadat ba-āsānī nahīñ jaatī

dayar-e-husn ki hangama-samani nahin jati

pareshan kar-e-ulfat ki pareshani nahin jati

musallam hain hazaron dastanen husn ko lekin

wahan jo aashiqi ki baat ho mani nahin jati

qubul-e-tauba-o-afw-e-gunah sab kuchh sahi lekin

kabhi na-kardani ki KHud pashemani nahin jati

mohabbat wo musibat hai ki jis par bas nahin chalta

ba-asani ye aati hai ba-asani nahin jati

meri taswir-e-wahshat le ke ab ahbab kya lenge

ye diwane ki surat hai jo pahchani nahin jati

shab-e-gham mand paD jati hai jab mahfil sitaron ki

hamare dagh-ha-e-dil ki tabani nahin jati

gareban-chaak sahra-gard shorish qaidi-e-zindan

bahar-surat junun ki fitna-samani nahin jati

qayamat ke siwa kya hoga us ki be-hijabi mein

ki jis ki ek jhalak se dil ki hairani nahin jati

na bol is par hawa-e-dahr ki ek lahr hai ye bhi

hansi aai to kya gul ki pareshani nahin jati

hazaron yas-o-hirman dard-o-gham ka hai hujum is mein

mere wahshat-kade ki phir bhi virani nahin jati

mohabbat 'shakir' apne sath aah-o-girya lai hai

meri aadat hai ye aadat ba-asani nahin jati