dayar-e-husn se guzre to sar jhuka ke chale

dayār-e-husn se guzre to sar jhukā ke chale

vahāñ to tīr-e-nazar sirf dilrubā ke chale

har ik qadam pe hai ḳhatrā-e-chāk-dāmānī

kahāñ-kahāñ koī dāman bachā-bachā ke chale

shajar pe jism ke hone lagī 'ayāñ qudrat

use kaho ki vo paañv dabā-dabā ke chale

thakā thakā sā badan ye saḌak namak roTī

ḳhudā kā shukr hai jhoñke abhī havā ke chale

dhuāñ-dhuāñ sā hai har samt rāh-e-manzil meñ

unhoñ ne raushnī paa.ī jo dil lagā ke chale

na jaane kitne fasāne gaḌhe raqīboñ ne

zarā sā 'nazr' jo shurfā bhī laḌkhaḌā ke chale

dayar-e-husn se guzre to sar jhuka ke chale

wahan to tir-e-nazar sirf dilruba ke chale

har ek qadam pe hai KHatra-e-chaak-damani

kahan-kahan koi daman bacha-bacha ke chale

shajar pe jism ke hone lagi 'ayan qudrat

use kaho ki wo panw daba-daba ke chale

thaka thaka sa badan ye saDak namak roTi

KHuda ka shukr hai jhonke abhi hawa ke chale

dhuan-dhuan sa hai har samt rah-e-manzil mein

unhon ne raushni pai jo dil laga ke chale

na jaane kitne fasane gaDhe raqibon ne

zara sa 'nazr' jo shurfa bhi laDkhaDa ke chale