dayar-e-ishq mein tera guzar howe to main jaanun

dayār-e-ishq meñ terā guzar hove to maiñ jānūñ

agar sar tak bhī jā kar raah sar hove to maiñ jānūñ

mirā girya bahā detā hai har ik baat ko merī

bas in bātoñ se us ke dil meñ ghar hove to maiñ jānūñ

ḳharābī kis kī hai jo ye hamāre dasht-e-vahshat ho

agar is baat kā haamī ḳhizar hove to maiñ jānūñ

na barham ho tū dāġh-e-dil ko mere dekh kar qātil

tirī shamshīr ke aage sipar hove to maiñ jānūñ

guzar kar jaan se apnī qadam rakh rāh-e-vahshat meñ

agar phir umr-bhar tujh ko ḳhatar hove to meñ jānūñ

jo tujh se ho sake saudā-e-bāzār-e-mohabbat kar

dil-o-jāñ tak bhī jaane meñ zarar hove to maiñ jānūñ

kisī tadbīr se jā garm kar aa.uuñ agar 'ārif'

galī meñ us ke dushman kā guzar hove to maiñ jānūñ

dayar-e-ishq mein tera guzar howe to main jaanun

agar sar tak bhi ja kar rah sar howe to main jaanun

mera girya baha deta hai har ek baat ko meri

bas in baaton se us ke dil mein ghar howe to main jaanun

KHarabi kis ki hai jo ye hamare dasht-e-wahshat ho

agar is baat ka hami KHizar howe to main jaanun

na barham ho tu dagh-e-dil ko mere dekh kar qatil

teri shamshir ke aage sipar howe to main jaanun

guzar kar jaan se apni qadam rakh rah-e-wahshat mein

agar phir umr-bhar tujh ko KHatar howe to mein jaanun

jo tujh se ho sake sauda-e-bazar-e-mohabbat kar

dil-o-jaan tak bhi jaane mein zarar howe to main jaanun

kisi tadbir se ja garm kar aaun agar 'arif'

gali mein us ke dushman ka guzar howe to main jaanun