dayar-e-KHwab se aage safar karne ka din hai

dayār-e-ḳhvāb se aage safar karne kā din hai

to kyā ye qissa-e-jāñ muḳhtasar karne kā din hai

bulāvā aa gayā hai phir mujhe sahrā-navardī kā

yahī to zindagī ko ham-safar karne kā din hai

mujhe raqs-e-junūñ karnā paḌegā shaam hone tak

mudārāt-e-hujūm-e-dīda-tar karne kā din hai

ḳhizāñ kī bad-havāsī us ke chehre se hai zāhir

jahāñ ko mausam-e-gul kī ḳhabar karne kā din hai

ye ḳhāshāk-e-samā.at ḳhaak honā chāhte haiñ

zabāñ ko aaj apnī shola-gar karne kā din hai

huā hai dīdanī manzar zamīñ se āsmāñ kā

qafas meñ ārzū-e-bāl-o-par karne kā din hai

dayar-e-KHwab se aage safar karne ka din hai

to kya ye qissa-e-jaan muKHtasar karne ka din hai

bulawa aa gaya hai phir mujhe sahra-nawardi ka

yahi to zindagi ko ham-safar karne ka din hai

mujhe raqs-e-junun karna paDega sham hone tak

mudaraat-e-hujum-e-dida-tar karne ka din hai

KHizan ki bad-hawasi us ke chehre se hai zahir

jahan ko mausam-e-gul ki KHabar karne ka din hai

ye KHashak-e-samaat KHak hona chahte hain

zaban ko aaj apni shola-gar karne ka din hai

hua hai didani manzar zamin se aasman ka

qafas mein aarzu-e-baal-o-par karne ka din hai