de gaya likh kar wo bas itna juda hote hue

de gayā likh kar vo bas itnā judā hote hue

ho ga.e be-āsrā ham aasrā hote hue

khiḌkiyāñ mat khol lekin koī rauzan vā to kar

ghuT na jaa.e merā dam taaza havā hote hue

vaqt ne gardan uThāne kī na dī mohlat hameñ

apnā chehra bhuul baiThe ā.īna hote hue

ḳhud usī ke ahd meñ azm-e-vafādārī na thā

varna kyuuñ mujh se badaltā āshnā hote hue

gardish-e-daurāñ kā ham par bhī asar hotā zarūr

ham ne dekhā hai magar us ko ḳhafā hote hue

jaane kis ke sog meñ ye shahr hai Duubā huā

mai-kade sunsān haiñ kaalī ghaTā hote hue

de gaya likh kar wo bas itna juda hote hue

ho gae be-asra hum aasra hote hue

khiDkiyan mat khol lekin koi rauzan wa to kar

ghuT na jae mera dam taza hawa hote hue

waqt ne gardan uThane ki na di mohlat hamein

apna chehra bhul baiThe aaina hote hue

KHud usi ke ahd mein azm-e-wafadari na tha

warna kyun mujh se badalta aashna hote hue

gardish-e-dauran ka hum par bhi asar hota zarur

hum ne dekha hai magar us ko KHafa hote hue

jaane kis ke sog mein ye shahr hai Duba hua

mai-kade sunsan hain kali ghaTa hote hue