de kar fareb pyas ki aazurdagi ko hum

de kar fareb pyaas kī āzurdagī ko ham

aao nā ghūñT bhar ke piyeñ zindagī ko ham

khulne lagī hai niiñd kī bhedoñ bharī kathā

chhūne lage haiñ ḳhvāb kī dil-bastagī ko ham

sahrā qubūl kartā hai bārish kā indiya

miTTī meñ gūñdh lete haiñ jab tishnagī ko ham

rakh kar hazār aa.ine us ruḳh ke rū-ba-rū

dhoka diyā kareñge tirī sādgī ko ham

raqsāñ hai boznoñ kī tarah vaqt be-takān

takte haiñ putliyoñ kī tarah DugDugī ko ham

andar hī apne ḳhaak uḌāte haiñ duur tak

bāhar nahīñ nikālte āvārgī ko ham

hājat ke daam girte nahīñ haiñ naqāb meñ

ya.anī hijāb karte haiñ be-pardagī ko ham

suntā thā be-kanār samundar hamārī nazm

auroñ ko bhī sunāte rahe dil lagī ko ham

lafzoñ kī mezbānī agar sauñp dī ga.ī

mehmāñ kareñge aap kī sanjīdgī ko ham

de kar fareb pyas ki aazurdagi ko hum

aao na ghunT bhar ke piyen zindagi ko hum

khulne lagi hai nind ki bhedon bhari katha

chhune lage hain KHwab ki dil-bastagi ko hum

sahra qubul karta hai barish ka indiya

miTTi mein gundh lete hain jab tishnagi ko hum

rakh kar hazar aaine us ruKH ke ru-ba-ru

dhoka diya karenge teri sadgi ko hum

raqsan hai boznon ki tarah waqt be-takan

takte hain putliyon ki tarah DugDugi ko hum

andar hi apne KHak uDate hain dur tak

bahar nahin nikalte aawargi ko hum

hajat ke dam girte nahin hain naqab mein

yani hijab karte hain be-pardagi ko hum

sunta tha be-kanar samundar hamari nazm

auron ko bhi sunate rahe dil lagi ko hum

lafzon ki mezbani agar saunp di gai

mehman karenge aap ki sanjidgi ko hum