de ke ehsas-e-tamanna ka bas ek jam mujhe

de ke ehsās-e-tamannā kā bas ik jaam mujhe

kar diyā kis ne rahīn-e-ġham-e-ayyām mujhe

kam se kam tum to na dete koī ilzām mujhe

maiñ ne māñgī ki milī qismat-e-nākām mujhe

mudda.ā ye hai ki dam bhar na mile dil ko qarār

bheje jaate haiñ jo paiġhām pe paiġhām mujhe

ab to ehsās-e-tamannā bhī hai bār-e-ḳhātir

kis jagah lā ke ye chhoḌā dil-e-nākām mujhe

har tamanna hai mirī un kā taqāzā goyā

maiñ vahī kahtā huuñ hotā hai jo ilhām mujhe

un kā 'āshufta' karam rāh-numā thā varna

chalnā mushkil thā rah-e-ishq meñ do-gām mujhe

de ke ehsas-e-tamanna ka bas ek jam mujhe

kar diya kis ne rahin-e-gham-e-ayyam mujhe

kam se kam tum to na dete koi ilzam mujhe

main ne mangi ki mili qismat-e-nakaam mujhe

muddaa ye hai ki dam bhar na mile dil ko qarar

bheje jate hain jo paigham pe paigham mujhe

ab to ehsas-e-tamanna bhi hai bar-e-KHatir

kis jagah la ke ye chhoDa dil-e-nakaam mujhe

har tamanna hai meri un ka taqaza goya

main wahi kahta hun hota hai jo ilham mujhe

un ka 'ashufta' karam rah-numa tha warna

chalna mushkil tha rah-e-ishq mein do-gam mujhe