de ke gham ye aapne kya mujh pe ehsan kar diya

de ke ġham ye aap ne kyā mujh pe ehsāñ kar diyā

donoñ 'ālam kī masarrat se gurezāñ kar diyā

zindagī tārīk thī ik 'umr se merī magar

aap kī yādoñ ne aa kar dil farozāñ kar diyā

aa.iye chāhe jidhar se ab koī diqqat nahīñ

ham ne sab tārīk rāhoñ ko charāġhāñ kar diyā

dekhiye vo shaiḳh jī haiñ mai-kade se rū-barū

kaam thā mushkil magar ye maiñ ne āsāñ kar diyā

vaqt ne khelā hai kaisā khel mere saath meñ

un ko rāhat baḳhsh dī mujh ko pareshāñ kar diyā

de ke gham ye aap ne kya mujh pe ehsan kar diya

donon 'alam ki masarrat se gurezan kar diya

zindagi tarik thi ek 'umr se meri magar

aap ki yaadon ne aa kar dil farozan kar diya

aaiye chahe jidhar se ab koi diqqat nahin

hum ne sab tarik rahon ko charaghan kar diya

dekhiye wo shaiKH ji hain mai-kade se ru-baru

kaam tha mushkil magar ye main ne aasan kar diya

waqt ne khela hai kaisa khel mere sath mein

un ko rahat baKHsh di mujh ko pareshan kar diya