de kuchh to dars husn ko ya-rab sabaat ka

de kuchh to dars husn ko yā-rab sabāt kā

mil jaa.e ek ghūñT hī āb-e-hayāt kā

pīchhe chalā maiñ jis ke vo ḳhud thā talāsh meñ

rasta zarūr hogā koī to najāt kā

jo mātamī libās kā pūchhā sabab to vo

bole huā hai ḳhuun mirī ḳhvāhishāt kā

uThtī hai jab tarang samundar kī mauj meñ

to dil pe kyoñ asar na ho phir chāñd-rāt kā

chorī kiyā kisī ne mire yaar kā jo dil

mulzim magar huā to maiñ us vārdāt kā

mujh ko nahīñ hai yaad 'ināyat kī ik nazar

kab ittifāq mujh ko huā iltifāt kā

āsān to nahīñ haiñ mohabbat ke rāste

maiñ raat sochtā hī rahā mushkilāt kā

maiñ ne kahā raqīb se mat tum milā karo

kuchh bhī asar huā na magar merī baat kā

de kuchh to dars husn ko ya-rab sabaat ka

mil jae ek ghunT hi aab-e-hayat ka

pichhe chala main jis ke wo KHud tha talash mein

rasta zarur hoga koi to najat ka

jo matami libas ka puchha sabab to wo

bole hua hai KHun meri KHwahishat ka

uThti hai jab tarang samundar ki mauj mein

to dil pe kyon asar na ho phir chand-raat ka

chori kiya kisi ne mere yar ka jo dil

mulzim magar hua to main us wardat ka

mujh ko nahin hai yaad 'inayat ki ek nazar

kab ittifaq mujh ko hua iltifat ka

aasan to nahin hain mohabbat ke raste

main raat sochta hi raha mushkilat ka

main ne kaha raqib se mat tum mila karo

kuchh bhi asar hua na magar meri baat ka