de sakta hai kya meri wafaon ka sila aur

de saktā hai kyā merī vafāoñ kā silā aur

tarkash meñ agar tiir hoñ baaqī to chalā aur

maiñ rāh-rav-e-rāh-e-tamannā huuñ sitam-gar

har zaḳhm pe baḌh jaatā hai kuchh merā nishāñ aur

dīvāne jalāte haiñ charāġhoñ ko lahū se

is vāste baḌh jaatī hai kuchh un kī ziyā aur

is millat-e-mazlūm kī ġhairat ko jagāne

do chaar thapeḌe zarā ai mauj-e-balā aur

kyā hausla toḌegī mirā bād-e-muḳhālif

bujhtā hai diyā ek to jaltā hai diyā aur

phailegī shafaq ban ke mire ḳhuun kī laalī

gardūñ ke bhī phir hoñge kuchh andāz-e-adā aur

tabdīlī-e-hālāt kā shā.eq hai zamāna

darkār magar hai abhī kuchh rang-e-hinā aur

pīrān-e-ḳharābāt to mai-noshī meñ ḳhush haiñ

ma.alūm ho kyā un ko mohabbat hai nasha aur

hai ḳhirqa-e-sālūs ye zāhid zarā bachnā

ḳhalvat kī qabā aur hai jalvat kī qabā aur

ho saktā hai maiñ tujh ko mayassar na rahūñ kal

jī bhar ke mujhe jān-e-vafā aaj satā aur

ye kaise masīhā se paḌā hai mirā paalā

baḌhtā hai maraz merā jo detā hai davā aur

pur-ḳhār guzargāh kā shaidā.ī huuñ 'arshad'

is raah pa chalne kā hai apnā hī mazā aur

de sakta hai kya meri wafaon ka sila aur

tarkash mein agar tir hon baqi to chala aur

main rah-raw-e-rah-e-tamanna hun sitam-gar

har zaKHm pe baDh jata hai kuchh mera nishan aur

diwane jalate hain charaghon ko lahu se

is waste baDh jati hai kuchh un ki ziya aur

is millat-e-mazlum ki ghairat ko jagane

do chaar thapeDe zara ai mauj-e-bala aur

kya hausla toDegi mera baad-e-muKHalif

bujhta hai diya ek to jalta hai diya aur

phailegi shafaq ban ke mere KHun ki lali

gardun ke bhi phir honge kuchh andaz-e-ada aur

tabdili-e-haalat ka shaeq hai zamana

darkar magar hai abhi kuchh rang-e-hina aur

piran-e-KHarabaat to mai-noshi mein KHush hain

malum ho kya un ko mohabbat hai nasha aur

hai KHirqa-e-salus ye zahid zara bachna

KHalwat ki qaba aur hai jalwat ki qaba aur

ho sakta hai main tujh ko mayassar na rahun kal

ji bhar ke mujhe jaan-e-wafa aaj sata aur

ye kaise masiha se paDa hai mera pala

baDhta hai maraz mera jo deta hai dawa aur

pur-KHar guzargah ka shaidai hun 'arshad'

is rah pa chalne ka hai apna hi maza aur