dekh ab to mera dushman bhi kahe kya baat hai

dekh ab to merā dushman bhī kahe kyā baat hai

ab to mere paas aa kar pūchh le kyā baat hai

bas isī hasrat ke chalte maiñ to huuñ shā'ir banā

maiñ sunā.ūñ she'r us ko vo kahe kyā baat hai

is qadar ye mehrbānī in dinoñ mujh pe ḳhudā

mil rahe haiñ bin du'ā hī ġham mujhe kyā baat hai

ai masīhā tere hāthoñ kī shifā ko kyā huā

tere hote zaḳhm mere haiñ hare kyā baat hai

tum to kahte the ki mere qurb meñ hai ik sukūñ

aaj kyoñ haiñ darmiyāñ ye fāsle kyā baat hai

aaj 'sā.in' yaad karte haiñ mujhe ahbāb kyoñ

sochtā huuñ pūchh luuñ kis kaam se kyā baat hai

dekh ab to mera dushman bhi kahe kya baat hai

ab to mere pas aa kar puchh le kya baat hai

bas isi hasrat ke chalte main to hun sha'ir bana

main sunaun she'r us ko wo kahe kya baat hai

is qadar ye mehrbani in dinon mujh pe KHuda

mil rahe hain bin du'a hi gham mujhe kya baat hai

ai masiha tere hathon ki shifa ko kya hua

tere hote zaKHm mere hain hare kya baat hai

tum to kahte the ki mere qurb mein hai ek sukun

aaj kyon hain darmiyan ye fasle kya baat hai

aaj 'sain' yaad karte hain mujhe ahbab kyon

sochta hun puchh lun kis kaam se kya baat hai