dekha dam-e-aKHir jo mohabbat ki nazar se

dekhā dam-e-āḳhir jo mohabbat kī nazar se

lauTā liyā bīmār ko allāh ke ghar se

hosh uḌ ga.e milte hī nazar un kī nazar se

āġhāz meñ ghabrā ga.e anjām ke Dar se

jaanā to ye jaanā tire andāz-e-nazar se

mahfil meñ koī aa.e koī aane ko tarse

zāhid kī qasam sajdoñ meñ bhī baañT ke dekhā

ye bār-e-gunah phir bhī na utrā mire sar se

dīdār kahāñ hasrat-e-dīdār meñ 'āshiq

sar phoḌte haiñ aap kī dīvār se dar se

jab tak na milegā tirī rahmat kā sahārā

ye bār-e-garāñ uTh na sakegā mire sar se

mandir meñ pujārī bane masjid meñ namāzī

kyā kyā na ġharīboñ ne kiyā aap ke Dar se

phir dam pe banī paḌ ga.e phir jaan ke laale

kambaḳht nazar laḌ ga.ī phir un kī nazar se

ḳhālī na phire thoḌī bahut pī hī ke uTThe

baiThe rahe jo aas lagā.e tire dar se

bālīñ se vo uTh hī ga.e kahtī rahī duniyā

aise meñ nahīñ uThte haiñ bīmār ke ghar se

ḳhālī na milī ek bhī but-ḳhāne kī chaukhaT

allāh ke joyā jo phire apne safar se

'bismil' ne jo do din ke liye riish baḌhā.ī

vā'iz kī tarah gir gayā duniyā kī nazar se

dekha dam-e-aKHir jo mohabbat ki nazar se

lauTa liya bimar ko allah ke ghar se

hosh uD gae milte hi nazar un ki nazar se

aaghaz mein ghabra gae anjam ke Dar se

jaana to ye jaana tere andaz-e-nazar se

mahfil mein koi aae koi aane ko tarse

zahid ki qasam sajdon mein bhi banT ke dekha

ye bar-e-gunah phir bhi na utra mere sar se

didar kahan hasrat-e-didar mein 'ashiq

sar phoDte hain aap ki diwar se dar se

jab tak na milega teri rahmat ka sahaara

ye bar-e-garan uTh na sakega mere sar se

mandir mein pujari bane masjid mein namazi

kya kya na gharibon ne kiya aap ke Dar se

phir dam pe bani paD gae phir jaan ke lale

kambaKHt nazar laD gai phir un ki nazar se

KHali na phire thoDi bahut pi hi ke uTThe

baiThe rahe jo aas lagae tere dar se

baalin se wo uTh hi gae kahti rahi duniya

aise mein nahin uThte hain bimar ke ghar se

KHali na mili ek bhi but-KHane ki chaukhaT

allah ke joya jo phire apne safar se

'bismil' ne jo do din ke liye rish baDhai

wa'iz ki tarah gir gaya duniya ki nazar se