dekha hai ek nazar unhen anjam jo bhi ho

dekhā hai ik nazar unheñ anjām jo bhī ho

qismat meñ apnī ai dil-e-nākām jo bhī ho

merī nazar pe saarā zamāna hai mo'tariz

lekin vo ik adā hai lab-e-bām jo bhī ho

imkān phir rihā.ī kī kartā hai koshisheñ

murġh-e-balā-nasīb tah-e-dām jo bhī ho

kuchh īn-o-āñ ko daḳhl nahīñ rāh-e-ishq meñ

ab un kā mere vāste paiġhām jo bhī ho

āñkhoñ meñ vaqt-e-dīd kuchh aañsū zarūr the

ham par ab is ke vāste ilzām jo bhī ho

kahtā hai dil kī baat magar apne sher meñ

qismat kā maarā 'āsī'-e-gumnām jo bhī ho

dekha hai ek nazar unhen anjam jo bhi ho

qismat mein apni ai dil-e-nakaam jo bhi ho

meri nazar pe sara zamana hai mo'tariz

lekin wo ek ada hai lab-e-baam jo bhi ho

imkan phir rihai ki karta hai koshishen

murgh-e-bala-nasib tah-e-dam jo bhi ho

kuchh in-o-an ko daKHl nahin rah-e-ishq mein

ab un ka mere waste paigham jo bhi ho

aankhon mein waqt-e-did kuchh aansu zarur the

hum par ab is ke waste ilzam jo bhi ho

kahta hai dil ki baat magar apne sher mein

qismat ka mara 'asi'-e-gumnam jo bhi ho