dekha hi na ho jis ne kabhi KHak se aage

dekhā hī na ho jis ne kabhī ḳhaak se aage

kyā us ko nazar aa.egā aflāk se aage

vo ġham bhī uThā.e haiñ tire ishq meñ ai jaañ

uThte hī na the jo dil-e-sad-chāk se aage

dil mausam-e-hijrāñ meñ kahīñ mar na gayā ho

dekho to kabhī dīda-e-namnāk se aage

ik fasl-e-bahārāñ hai mire rūh-o-badan par

ik baaġh khilā hai tirī poshāk se aage

shāmil to haiñ ham qāfila-e-hosh-o-ḳhirad meñ

jaanā hai magar manzil-e-idrāk se aage

dekha hi na ho jis ne kabhi KHak se aage

kya us ko nazar aaega aflak se aage

wo gham bhi uThae hain tere ishq mein ai jaan

uThte hi na the jo dil-e-sad-chaak se aage

dil mausam-e-hijran mein kahin mar na gaya ho

dekho to kabhi dida-e-namnak se aage

ek fasl-e-bahaaran hai mere ruh-o-badan par

ek bagh khila hai teri poshak se aage

shamil to hain hum qafila-e-hosh-o-KHirad mein

jaana hai magar manzil-e-idrak se aage