dekhe hain manazir jo idhar sham se pahle

dekhe haiñ manāzir jo idhar shaam se pahle

din Dhalte badaltī hai nazar shaam se pahle

utre haiñ yahāñ dasht meñ jo qāfile aksar

kitne haiñ chale paar ḳhizar shaam se pahle

tābinda bahāroñ ke na.e rañg liye to

merī bhī kabhī chhat pe utar shaam se pahle

is dard-o-sitam kā nahīñ ġham mujh ko sanam tū

hai aas ho ye ḳhatm safar shaam se pahle

iflās se baḌh kar nahīñ hotā koī bhī dukh

is ġham meñ gire TuuT ki dar shaam se pahle

jo chhoḌ ke jaate haiñ yahāñ beach bhañvar meñ

khulte haiñ nahīñ un pe ye dar shaam se pahle

bhaTke huoñ kī rāheñ to aksar haiñ huī ġham

kab milte unheñ apne hī ghar shaam se pahle

TuuTī huī ab shāḳhoñ ko ye dekh ki 'mariyam'

haañ phuuT ke rote haiñ shajar shaam se pahle

dekhe hain manazir jo idhar sham se pahle

din Dhalte badalti hai nazar sham se pahle

utre hain yahan dasht mein jo qafile aksar

kitne hain chale par KHizar sham se pahle

tabinda bahaaron ke nae rang liye to

meri bhi kabhi chhat pe utar sham se pahle

is dard-o-sitam ka nahin gham mujh ko sanam tu

hai aas ho ye KHatm safar sham se pahle

iflas se baDh kar nahin hota koi bhi dukh

is gham mein gire TuT ki dar sham se pahle

jo chhoD ke jate hain yahan beach bhanwar mein

khulte hain nahin un pe ye dar sham se pahle

bhaTke huon ki rahen to aksar hain hui gham

kab milte unhen apne hi ghar sham se pahle

TuTi hui ab shaKHon ko ye dekh ki 'mariyam'

han phuT ke rote hain shajar sham se pahle