dekhe jo dil ki shoala-fishani ke hausle

dekhe jo dil kī sho.ala-fishānī ke hausle

sahme hue haiñ us kī javānī ke hausle

dekhā mujhe to phir vo achānak kahāñ ga.e

ai teġh-e-nāz terī ravānī ke hausle

maiñ paar kar ke niklā huuñ tūfān-e-bahr-husn

pahlū meñ mere aa ga.e paanī ke hausle

us kī nazar kā aks paḌā merī fikr par

us ne baḌhā.e lafz-o-ma.ānī ke hausle

muhtāj us kā ho gayā hastī kā saaz bhī

ye rang laa.e soz-e-nihānī ke hausle

ham se ab us ke baare meñ pūchhe na koī kuchh

dekhe haiñ ham ne raat kī raanī ke hausle

bāzār-e-dil meñ baañT dī jins-e-girāñ 'suhail'

yuuñ ham ne toḌ Daale girānī ke hausle

dekhe jo dil ki shoala-fishani ke hausle

sahme hue hain us ki jawani ke hausle

dekha mujhe to phir wo achanak kahan gae

ai tegh-e-naz teri rawani ke hausle

main par kar ke nikla hun tufan-e-bahr-husn

pahlu mein mere aa gae pani ke hausle

us ki nazar ka aks paDa meri fikr par

us ne baDhae lafz-o-maani ke hausle

muhtaj us ka ho gaya hasti ka saz bhi

ye rang lae soz-e-nihani ke hausle

hum se ab us ke bare mein puchhe na koi kuchh

dekhe hain hum ne raat ki rani ke hausle

bazar-e-dil mein banT di jins-e-giran 'suhail'

yun hum ne toD Dale girani ke hausle