dekhen tujhe na aawenge hum

dekheñ tujhe na āveñge ham

kahnā nahīñ kar dikhāveñge ham

ye jaur koī uThāve kab tak

uTh dar hī se tere jāveñge ham

ghar se mujhe mat nikāl sun rakh

jāveñge to phir na āveñge ham

tū qat-e-nazar to ham se kar dekh

nazroñ se tujhe girāveñge ham

do din kabhū tire ghar na aaveñ

ghar apne tujhe bulāveñge ham

ghar us kā to DhūñD kar ke paayā

yā-rab use ghar bhī pāveñge ham

aġhmāz kare hai sab samajh kar

kyā haal use sunāveñge ham

bose to diye haiñ tiiñ tū hañs hañs

gaalī tirī kyuuñ na khāveñge ham

itnī bhī pakā na merī chhātī

ai ġhair tujhe rijhāveñge ham

dil vo tujhe pūchhe yā na pūchhe

par yaad tirī dilāveñge ham

taab us kī jafāoñ kī kisī tarah

'hasrat' ab to na lāveñge ham

dekhen tujhe na aawenge hum

kahna nahin kar dikhawenge hum

ye jaur koi uThawe kab tak

uTh dar hi se tere jawenge hum

ghar se mujhe mat nikal sun rakh

jawenge to phir na aawenge hum

tu qat-e-nazar to hum se kar dekh

nazron se tujhe girawenge hum

do din kabhu tere ghar na aawen

ghar apne tujhe bulawenge hum

ghar us ka to DhunD kar ke paya

ya-rab use ghar bhi pawenge hum

aghmaz kare hai sab samajh kar

kya haal use sunawenge hum

bose to diye hain tin tu hans hans

gali teri kyun na khawenge hum

itni bhi paka na meri chhati

ai ghair tujhe rijhawenge hum

dil wo tujhe puchhe ya na puchhe

par yaad teri dilawenge hum

tab us ki jafaon ki kisi tarah

'hasrat' ab to na lawenge hum