dekhne wale ko bahar se guman hota nahin
dekhne vaale ko bāhar se gumāñ hotā nahīñ
aag kuchh aise lagā.ī hai dhuāñ hotā nahīñ
apne hone kī ḳhabar detā hai ḳhushbū se mujhe
phailtā hai chār-sū aur darmiyāñ hotā nahīñ
raushnī kar de tamāshā-gāh se dahshat miTe
kohr itnā hai ki pas-e-manzar ayaañ hotā nahīñ
sochnā chāho to zer-e-pā mile haft-āsmāñ
dekhnā chāho to ziine kā nishāñ hotā nahīñ
muntazir rahne se 'hāmid' qufl ko zarbeñ lagā
aap hī khul jaa.e dar aisā yahāñ hotā nahīñ
dekhne wale ko bahar se guman hota nahin
aag kuchh aise lagai hai dhuan hota nahin
apne hone ki KHabar deta hai KHushbu se mujhe
phailta hai chaar-su aur darmiyan hota nahin
raushni kar de tamasha-gah se dahshat miTe
kohr itna hai ki pas-e-manzar ayan hota nahin
sochna chaho to zer-e-pa mile haft-asman
dekhna chaho to zine ka nishan hota nahin
muntazir rahne se 'hamid' qufl ko zarben laga
aap hi khul jae dar aisa yahan hota nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
