dekhne walo zara tum bhi manzar dekhna

dekhne vaalo zarā tum bhī manzar dekhnā

rāh-e-haq meñ hī kaTegā ab mirā sar dekhnā

aañkh se ho kar tire dil meñ utar jā.ūñgā maiñ

shart ye hai pyaar kī tū aañkh ban kar dekhnā

aapsī jhagḌe meñ saare log zaḳhmī ho ga.e

kis kī gardan kis kā māthā kis kā ab sar dekhnā

roz-o-shab duniyā meñ yuuñ bhī ek mahshar hai bapā

aur kyā baaqī hai maulā roz-e-mahshar dekhnā

pyaar ke ham biij bo.e haiñ baḌe iḳhlās se

ek din saarā chaman hogā mo.attar dekhnā

gosha gosha is chaman kā jhuum kar lahrā.egā

patte patte par hamārā naam likh kar dekhnā

bas chalā karte haiñ ham to jānib-e-manzil 'vaqār'

ham ne sīkhā hī nahīñ rāhoñ ke patthar dekhnā

dekhne walo zara tum bhi manzar dekhna

rah-e-haq mein hi kaTega ab mera sar dekhna

aankh se ho kar tere dil mein utar jaunga main

shart ye hai pyar ki tu aankh ban kar dekhna

aapsi jhagDe mein sare log zaKHmi ho gae

kis ki gardan kis ka matha kis ka ab sar dekhna

roz-o-shab duniya mein yun bhi ek mahshar hai bapa

aur kya baqi hai maula roz-e-mahshar dekhna

pyar ke hum bij boe hain baDe iKHlas se

ek din sara chaman hoga moattar dekhna

gosha gosha is chaman ka jhum kar lahraega

patte patte par hamara nam likh kar dekhna

bas chala karte hain hum to jaanib-e-manzil 'waqar'

hum ne sikha hi nahin rahon ke patthar dekhna