dekhte dekhte hi sal guzar jata hai

dekhte dekhte hī saal guzar jaatā hai

par tirā ġham hai ki baḌhtā hai Thahar jaatā hai

tairtī rahtī hai āñkhoñ meñ tū har shab aise

jaise dariyā meñ koī chāñd utar jaatā hai

kaun us ḳhvāb kī ta.abīr pe kartā hai yaqīñ

ḳhvāb jo niiñd se laḌtā huā mar jaatā hai

ham ne āñkhoñ kī zabānoñ pe lagā.e haiñ qufl

varna dil terī hī āvāzoñ se bhar jaatā hai

koī har roz mujhe chhoḌ ke mar jaatā hai

jaane vo kaun hai kaisā hai kidhar jaatā hai

ek hī vaqt meñ sukh-dukh nahīñ milte mujh ko

paañv gar apne bachā.ūñ to safar jaatā hai

phir se duniyā kī taraf dhyān lagāyā hai magar

ḳhaak itne meñ tirā dil se asar jaatā hai

dekhte dekhte hi sal guzar jata hai

par tera gham hai ki baDhta hai Thahar jata hai

tairti rahti hai aankhon mein tu har shab aise

jaise dariya mein koi chand utar jata hai

kaun us KHwab ki tabir pe karta hai yaqin

KHwab jo nind se laDta hua mar jata hai

hum ne aankhon ki zabanon pe lagae hain qufl

warna dil teri hi aawazon se bhar jata hai

koi har roz mujhe chhoD ke mar jata hai

jaane wo kaun hai kaisa hai kidhar jata hai

ek hi waqt mein sukh-dukh nahin milte mujh ko

panw gar apne bachaun to safar jata hai

phir se duniya ki taraf dhyan lagaya hai magar

KHak itne mein tera dil se asar jata hai