dekhun to mere dil mein utarta hai ziyaada
dekhūñ to mire dil meñ utartā hai ziyāda
sho.ala ki tah-e-āb nikhartā hai ziyāda
kyā jāniye kyā baat hai ab dasht kī nisbat
dil ḳhāmushī-e-shahr se Dartā hai ziyāda
andar kā vahī rog use bhī hai mujhe bhī
bantā hai ziyāda vo sañvartā hai ziyāda
jo aañkh ke jalte hue sahrā se pare hai
bādal usī raste se guzartā hai ziyāda
ruḳh shahr kī jānib huā jañgal kī havā kā
aur shor mire dil meñ ubhartā hai ziyāda
'ja.afar' ye lagā zaḳhm-e-mohabbat bhī ajab hai
baḌhtā hai ziyāda jo na bhartā hai ziyāda
dekhun to mere dil mein utarta hai ziyaada
shoala ki tah-e-ab nikharta hai ziyaada
kya jaaniye kya baat hai ab dasht ki nisbat
dil KHamushi-e-shahr se Darta hai ziyaada
andar ka wahi rog use bhi hai mujhe bhi
banta hai ziyaada wo sanwarta hai ziyaada
jo aankh ke jalte hue sahra se pare hai
baadal usi raste se guzarta hai ziyaada
ruKH shahr ki jaanib hua jangal ki hawa ka
aur shor mere dil mein ubharta hai ziyaada
'jafar' ye laga zaKHm-e-mohabbat bhi ajab hai
baDhta hai ziyaada jo na bharta hai ziyaada
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
