der mujhse kabhi ho jae to dukh hota hai

der mujh se kabhī ho jaa.e to dukh hotā hai

muntazir haar ke so jaa.e to dukh hotā hai

chuur rahtā hai tag-o-tāz se merā bhī badan

jab ayaañ chehre se ho jaa.e to dukh hotā hai

jis kī dam-sāzī se dam-ḳham ho lab-o-lahje meñ

ḳhaar lafzoñ ke chubho jaa.e to dukh hotā hai

apnī tahzīb-o-saqāfat ke bhī sarmā.e kā

bojh logoñ se na Dho jaa.e to dukh hotā hai

kaun rakkhegā mire baad mohabbat kā bharam

qatl mujh sā koī ho jaa.e to dukh hotā hai

aadmī apnī fazīlat bhī na malhūz rakhe

haath ġhairat se bhī dho jaa.e to dukh hotā hai

tujh se mansūb mire dil meñ bhaTaktā aañsū

kabhī dāman ko bhigo jaa.e to dukh hotā hai

facebōk dost bure vaqt bhī kaam aate haiñ

itifāqan koī kho jaa.e to dukh hotā hai

'sarfarāz' ab dil-e-kambaḳht ko apnā bhī ḳhayāl

ġham ke dariyā meñ Dubo jaa.e to dukh hotā hai

der mujh se kabhi ho jae to dukh hota hai

muntazir haar ke so jae to dukh hota hai

chur rahta hai tag-o-taz se mera bhi badan

jab ayan chehre se ho jae to dukh hota hai

jis ki dam-sazi se dam-KHam ho lab-o-lahje mein

KHar lafzon ke chubho jae to dukh hota hai

apni tahzib-o-saqafat ke bhi sarmae ka

bojh logon se na Dho jae to dukh hota hai

kaun rakkhega mere baad mohabbat ka bharam

qatl mujh sa koi ho jae to dukh hota hai

aadmi apni fazilat bhi na malhuz rakhe

hath ghairat se bhi dho jae to dukh hota hai

tujh se mansub mere dil mein bhaTakta aansu

kabhi daman ko bhigo jae to dukh hota hai

facebook dost bure waqt bhi kaam aate hain

itifaqan koi kho jae to dukh hota hai

'sarfaraaz' ab dil-e-kambaKHt ko apna bhi KHayal

gham ke dariya mein Dubo jae to dukh hota hai