Dhalte din ke dhundhle sae

Dhalte din ke dhuñdhle saa.e

shaam ko mujh se milne aa.e

shower se jab bādal barse

zulfeñ khole shaam nahā.e

dariyā sā aage baḌhtā chal

raah meñ chāhe parvat aa.e

shaam Dhale phir mere ghar meñ

kis ne aa kar bulb jalā.e

tum sā koī mujh se lipTe

ḳhud ro.e aur mujhe rulā.e

bādāmī bādal ke pīchhe

ek parinda uḌtā jaa.e

manzil pīchhe chhūT ga.ī hai

dekh kahāñ tak rasta jaa.e

lahreñ muḌ ke dekh rahī haiñ

duur khaḌā pul haath hilā.e

Dhalte din ke dhundhle sae

sham ko mujh se milne aae

shower se jab baadal barse

zulfen khole sham nahae

dariya sa aage baDhta chal

rah mein chahe parwat aae

sham Dhale phir mere ghar mein

kis ne aa kar bulb jalae

tum sa koi mujh se lipTe

KHud roe aur mujhe rulae

baadami baadal ke pichhe

ek parinda uDta jae

manzil pichhe chhuT gai hai

dekh kahan tak rasta jae

lahren muD ke dekh rahi hain

dur khaDa pul hath hilae