dhuan sa ek samt uTh raha hai sharare uD uD ke aa rahe hain

dhuāñ sā ik samt uTh rahā hai sharāre uḌ uḌ ke aa rahe haiñ

ye kis kī aa.heñ ye kis ke naale tamām aalam pe chhā rahe haiñ

naqāb ruḳh se uThā chuke haiñ khaḌe hue muskurā rahe haiñ

maiñ hairatī-e-azal huuñ ab bhī vo ḳhaak hairāñ banā rahe haiñ

havā.eñ be-ḳhud fazā.eñ be-ḳhud ye ambar-afshāñ ghaTā.eñ be-ḳhud

mizha ne chheḌā hai saaz dil kā vo zer-e-lab gungunā rahe haiñ

ye shauq kī vārdāt-e-paiham ye vāda-e-iltifāt-e-paiham

kahāñ kahāñ aazmā chuke haiñ kahāñ kahāñ aazmā rahe haiñ

surāhiyāñ nau-ba-nau haiñ ab bhī jamāhiyāñ nau-ba-nau haiñ ab bhī

magar vo pahlū-tahī kī saugand ab bhī nazdīk aa rahe haiñ

vo ishq kī vahshatoñ kī zad meñ vo taaj kī rif.atoñ ke aage

magar abhī aazmā rahe haiñ magar abhī aazmā rahe haiñ

atā kiyā hai 'majāz' fitrat ne vo mazāq-e-latīf ham ko

ki ālam-e-āb-o-gil se haT kar ik aur aalam banā rahe haiñ

dhuan sa ek samt uTh raha hai sharare uD uD ke aa rahe hain

ye kis ki aahen ye kis ke nale tamam aalam pe chha rahe hain

naqab ruKH se uTha chuke hain khaDe hue muskura rahe hain

main hairati-e-azal hun ab bhi wo KHak hairan bana rahe hain

hawaen be-KHud fazaen be-KHud ye ambar-afshan ghaTaen be-KHud

mizha ne chheDa hai saz dil ka wo zer-e-lab gunguna rahe hain

ye shauq ki wardat-e-paiham ye wada-e-iltifat-e-paiham

kahan kahan aazma chuke hain kahan kahan aazma rahe hain

surahiyan nau-ba-nau hain ab bhi jamahiyan nau-ba-nau hain ab bhi

magar wo pahlu-tahi ki saugand ab bhi nazdik aa rahe hain

wo ishq ki wahshaton ki zad mein wo taj ki rifaton ke aage

magar abhi aazma rahe hain magar abhi aazma rahe hain

ata kiya hai 'majaz' fitrat ne wo mazaq-e-latif hum ko

ki aalam-e-ab-o-gil se haT kar ek aur aalam bana rahe hain