DhunD leta jo unhen DhunDhne wala hota

DhūñD letā jo unheñ DhūñDhne vaalā hotā

dekh letā jo koī dekhne vaalā hotā

mujh ko is chaah meñ kuchh lutf do-bālā hotā

kaash nāseh hī tirā chāhne vaalā hotā

ham bhī marte tirī hūroñ pe magar ai zāhid

in butoñ se jo kuchh andāz nirālā hotā

kyā guzartī hai tire dil pe batā to kambaḳht

haa.e itnā hī koī pūchhne vaalā hotā

mere ghar par se mileñ aa ke balā.eñ kitnī

tum ne jab tak mujhe bosoñ hī pe Taalā hotā

ai ġham-e-yār mujhe tū ne ghulā kar khāyā

pahle khātā to tire muñh kā nivālā hotā

aap ne zulf ke uqde to bahut khulvā.e

merā āsān sā ik kaam nikālā hotā

tum ne kuchh ishq kā anjām na sochā 'akbar'

kyoñ bigaḌtī jo tabī.at ko sañbhālā hotā

DhunD leta jo unhen DhunDhne wala hota

dekh leta jo koi dekhne wala hota

mujh ko is chah mein kuchh lutf do-baala hota

kash naseh hi tera chahne wala hota

hum bhi marte teri huron pe magar ai zahid

in buton se jo kuchh andaz nirala hota

kya guzarti hai tere dil pe bata to kambaKHt

hae itna hi koi puchhne wala hota

mere ghar par se milen aa ke balaen kitni

tum ne jab tak mujhe boson hi pe Tala hota

ai gham-e-yar mujhe tu ne ghula kar khaya

pahle khata to tere munh ka niwala hota

aap ne zulf ke uqde to bahut khulwae

mera aasan sa ek kaam nikala hota

tum ne kuchh ishq ka anjam na socha 'akbar'

kyon bigaDti jo tabiat ko sanbhaala hota