dhup the sab raste darkar tha saya hamein

dhuup the sab rāste darkār thā saaya hameñ

ik sarāb-e-ḳhush-numā ne aur tarsāyā hameñ

dil zamīñ par us kā chehra naqsh ho kar rah gayā

bārhā phir aa.ine ne ḳhud hī Thukrāyā hameñ

dhuup sahrā dhuul dariyā ḳhaar rastoñ kī chubhan

manziloñ ke shauq ne kyā kyā na dikhlāyā hameñ

mustarad kartā gayā hai dilrubā chehroñ ko dil

ba.ad us ke koī chehra kab bhalā bhāyā hameñ

ham kahīñ ma.atūb the majzūb the mahbūb the

jis kī jaisī thī nazar us ne vahī paayā hameñ

dard-o-rāhat vasl-o-furqat ishq ke haiñ rañg-o-rūp

jaate jaate us ne 'zākir' ḳhuub samjhāyā hameñ

dhup the sab raste darkar tha saya hamein

ek sarab-e-KHush-numa ne aur tarsaya hamein

dil zamin par us ka chehra naqsh ho kar rah gaya

barha phir aaine ne KHud hi Thukraya hamein

dhup sahra dhul dariya KHar raston ki chubhan

manzilon ke shauq ne kya kya na dikhlaya hamein

mustarad karta gaya hai dilruba chehron ko dil

baad us ke koi chehra kab bhala bhaya hamein

hum kahin matub the majzub the mahbub the

jis ki jaisi thi nazar us ne wahi paya hamein

dard-o-rahat wasl-o-furqat ishq ke hain rang-o-rup

jate jate us ne 'zakir' KHub samjhaya hamein