dhyan mein late hain yun bhi teri baaton ke charagh

dhyān meñ laate haiñ yuuñ bhī tirī bātoñ ke charāġh

dekhnā chāhte haiñ ham tirī rātoñ ke charāġh

'aam sī shab ko shab-e-ḳhās banā dete haiñ

ik tirī yaad meñ jaltī huī āñkhoñ ke charāġh

shahr-e-yārāñ meñ kahīñ koī shanāsā hī nahīñ

na vo bargad na qabīla na rivājoñ ke charāġh

aaj bhī yaar barastī haiñ kisī kī āñkheñ

aaj bhī koī jalātā hai murādoñ ke charāġh

ḳhush-nasībī se ham ik taaq meñ raushan haiñ yahāñ

kam hī milte haiñ vagarna ye mizājoñ ke charāġh

dhyan mein late hain yun bhi teri baaton ke charagh

dekhna chahte hain hum teri raaton ke charagh

'am si shab ko shab-e-KHas bana dete hain

ek teri yaad mein jalti hui aankhon ke charagh

shahr-e-yaran mein kahin koi shanasa hi nahin

na wo bargad na qabila na riwajon ke charagh

aaj bhi yar barasti hain kisi ki aankhen

aaj bhi koi jalata hai muradon ke charagh

KHush-nasibi se hum ek taq mein raushan hain yahan

kam hi milte hain wagarna ye mizajon ke charagh