did ke badle sada dida-e-tar rakkha hai

diid ke badle sadā dīda-e-tar rakkhā hai

ham ko kyuuñ rāñda-e-dargāh-e-nazar rakkhā hai

shab kī dahlīz se us samt haiñ rāheñ kaisī

parda-e-ḳhvāb meñ ye kaisā safar rakkhā hai

sāya-e-vasl-e-mohabbat kī vo ḳhalvat na sahī

ye bhī kaafī hai ḳhayāloñ meñ guzar rakkhā hai

kitne ausāf mujhe apne atā us ne kiye

zauq-e-taḳhlīq diyā mujh meñ hunar rakkhā hai

shāḳh-dar-shāḳh tirī yaad kī hariyālī hai

ham ne shādāb bahut dil kā shajar rakkhā hai

har ghaḌī mujh pe na.e aur jahāñ khulte haiñ

so bhī jā.ūñ to khulā zehn kā dar rakkhā hai

us ko qudrat hai jise jaisā bhī taḳhlīq kare

shukr hai us kā mujhe us ne bashar rakkhā hai

did ke badle sada dida-e-tar rakkha hai

hum ko kyun randa-e-dargah-e-nazar rakkha hai

shab ki dahliz se us samt hain rahen kaisi

parda-e-KHwab mein ye kaisa safar rakkha hai

saya-e-wasl-e-mohabbat ki wo KHalwat na sahi

ye bhi kafi hai KHayalon mein guzar rakkha hai

kitne ausaf mujhe apne ata us ne kiye

zauq-e-taKHliq diya mujh mein hunar rakkha hai

shaKH-dar-shaKH teri yaad ki hariyali hai

hum ne shadab bahut dil ka shajar rakkha hai

har ghaDi mujh pe nae aur jahan khulte hain

so bhi jaun to khula zehn ka dar rakkha hai

us ko qudrat hai jise jaisa bhi taKHliq kare

shukr hai us ka mujhe us ne bashar rakkha hai