did ko teri main tarsi chand ki is raat mein

diid ko terī maiñ tarsī chāñd kī is raat meñ

baiThī to bas dekh baiThī chāñd kī is raat meñ

chāñd kuchh dhīre se bolā to thā mere kaan meñ

chāñd kī maiñ baat suntī chāñd kī is raat meñ

chāñd ab merī hathelī par sajā do jān-e-jāñ

hai ghaḌī aa.ī milan kī chāñd kī is raat meñ

chāñd jaisā chāñd ho kar chāñd kyoñ lagtā nahīñ

raushnī kyūñkar hai phīkī chāñd kī is raat meñ

apnī apnī tishna-kāmī bhuul kar jān-e-'duā'

aao ghūmeñ ham ḳhushī se chāñd kī is raat meñ

did ko teri main tarsi chand ki is raat mein

baiThi to bas dekh baiThi chand ki is raat mein

chand kuchh dhire se bola to tha mere kan mein

chand ki main baat sunti chand ki is raat mein

chand ab meri hatheli par saja do jaan-e-jaan

hai ghaDi aai milan ki chand ki is raat mein

chand jaisa chand ho kar chand kyon lagta nahin

raushni kyunkar hai phiki chand ki is raat mein

apni apni tishna-kaami bhul kar jaan-e-'dua'

aao ghumen hum KHushi se chand ki is raat mein